Јазик
img
Закажи консултацијаЗа лекари

ОПШТИ УСЛОВИ

 

ЧЛЕН I – ОПШТИ ИНФОРМАЦИИ

Овие Општи услови за користење (во натамошниот текст: „Општи услови“) го уредуваат правниот однос помеѓу Друштвото за посредување за медицински, стоматолошки и други здравствени услуги Сајбер Медико ДООЕЛ Прилеп, со седиште на бул. „Гоце Делчев“ бр. 90, 7500 Прилеп, Република Северна Македонија, ЕМБС: 7693648 (во натамошниот текст: „Друштвото“ или „CyberMedico“), како сопственик и администратор на Платформата за телемедицина www.cybermedico.net (во натамошниот текст: „Платформата“), и секое физичко лице кое ја користи Платформата (во натамошниот текст: „Корисник“).

Со пристапување до Платформата и со користење на услугите кои ги нуди CyberMedico, Корисникот потврдува дека е запознаен, ги разбира и целосно ги прифаќа овие Општи услови, како и Политиката за приватност што е составен дел од нив. Доколку Корисникот не се согласува со одредбите на овие Општи услови, истиот е должен веднаш да престане со користење на Платформата и услугите.

Општите услови претставуваат правно обврзувачки договор помеѓу Друштвото и Корисникот и важат за сите корисници на Платформата, без оглед дали тие користат услуги на консултации со доктори, услуга за писмени или видео консултации, услуга преку чат комуникација, како и секоја друга услуга која CyberMedico може да ја понуди преку Платформата.

Со прифаќањето на овие Општи услови, Корисникот се обврзува дека ќе ги користи услугите на Платформата во согласност со позитивните законски прописи на Република Северна Македонија, добрите деловни практики и овие услови.

CyberMedico го задржува правото да врши измени и дополнувања на овие Општи услови во секое време, при што измените стапуваат на сила од моментот на нивното објавување на Платформата. Корисникот е должен редовно да ги следи објавените Општи услови, а продолженото користење на услугите се смета за согласност со изменетите услови.

ЧЛЕН II – ДЕФИНИЦИИ

За потребите на овие Општи услови, следниве термини имаат значења како што се утврдени подолу:

„Платформа“ – претставува интегриран софтверски систем кој се состои од веб-страницата www.cybermedico.net, „CyberMedico“, бази на податоци и поврзани комуникациски технологии, преку кои се овозможува размена на медицински информации и давање на телемедицински услуги.

„Друштво“ или „Администратор“ – е правното лице Сајбер Медико ДООЕЛ Прилеп, сопственик и администратор на Платформата, кое постапува како посредник меѓу Корисниците и докторите и е одговорно за техничкото функционирање, одржување и управување со Платформата.

„Корисник“ – е секое физичко лице кое се регистрира и/или користи услуги на Платформата, вклучувајќи видео и писмени консултации, чат-комуникации и други услуги, за кои плаќа надоместок согласно важечкиот ценовник. Корисник може да биде само лице постаро од 18 години, освен ако малолетно лице не користи услуга со писмена согласност од родител или старател.

„Доктор – Лице за медицински консултации“ – претставува здравствен работник кој ги исполнува сите законски услови за вршење на здравствени услуги во Република Северна Македонија, поседува лиценца за работа издадена од Лекарската комора, е впишан во регистарот на здравствени работници и е ангажиран преку Платформата за да обезбедува телемедицински услуги.

„Телемедицински услуги“ – претставуваат советодавни здравствени услуги вршени на далечина, преку електронска комуникација (видео повик, писмена консултација, чет или друг електронски облик), кои имаат за цел да дадат општи медицински информации, насоки или препораки поврзани со здравјето на Корисникот. Овие услуги не ја заменуваат класичната медицинска евалуација или физичкиот преглед.

„Термин“ – е однапред определен ден и час во распоредот на Платформата, за кој Корисникот врши резервација за консултација со Доктор – Лице за медицински консултации, со траење определено од Платформата или од Друштвото.

„Електронско медицинско досие“ – претставува збир на податоци што се создава и чува во системот на Платформата за време на користењето на телемедицинските услуги, кој може да содржи лични и здравствени податоци, дијагнози и медицински препораки, доставени од Корисникот и/или Докторот.

ЧЛЕН III – ПОПОЛНУВАЊЕ НА ПРАШАЛНИК, ПЛАЌАЊЕ И КОРИСТЕЊЕ НА ПЛАТФОРМАТА

За користење на услугите на Платформата, Корисникот е должен да пополни електронски прашалник за консултација достапен на www.cybermedico.net. Прашалникот содржи лични и здравствени податоци кои се неопходни за реализација на телемедицинската услуга, вклучувајќи: име и презиме, возраст, телефонски број, е-пошта, место на живеење, опис на медицинскиот проблем, претходно поставена дијагноза, терапија што се користи, податоци за алергии и други релевантни здравствени информации.

По пополнувањето на прашалникот, Корисникот е должен да изврши онлајн плаќање со платежна картичка преку сигурен платежен процесор. CyberMedico не чува, ниту има пристап до податоците за платежната картичка, кои се обработуваат исклучиво од страна на овластената финансиска институција.

Откако плаќањето ќе биде успешно потврдено, на електронската адреса на Корисникот автоматски му се испраќаат сите релевантни информации за консултацијата, вклучувајќи го датумот и времето на закажаниот термин, името на докторот кој ќе ја изврши консултацијата и линк за пристап до онлајн сесијата.

Со пополнување на прашалникот и потврдување на плаќањето, Корисникот дава изречна согласност доставените лични и здравствени податоци да бидат обработувани од страна на CyberMedico и од страна на докторот кој ќе ја изврши консултацијата, исклучиво за целите на обезбедување на телемедицинска услуга, согласно Законот за заштита на личните податоци.

Корисникот носи целосна одговорност за точноста на доставените информации, бидејќи тие претставуваат основа врз која докторите даваат свој стручен медицински совет. Доколку се достават неточни, непотполни или лажни податоци, CyberMedico не сноси одговорност за можните последици врз здравјето на Корисникот.

 

ЧЛЕН IV – ПРИРОДА И ОПИС НА УСЛУГИТЕ

Платформата CyberMedico овозможува посредување помеѓу лиценцирани здравствени работници и корисници преку дигитална технологија, со цел обезбедување на телемедицински услуги.

Телемедицинските услуги што се достапни преку Платформата вклучуваат, но не се ограничуваат на:

Услугите се исклучиво советодавни и се базираат на информациите и податоците што Корисникот ги доставува преку прашалникот или за време на консултацијата. Поради тоа, консултацијата преку Платформата не може да се смета како целосна замена за физички медицински преглед, туку претставува дополнителен канал за советување и насочување во врска со здравствената состојба на Корисникот.

Докторот кој ја извршува консултацијата го задржува правото, врз основа на стручно мислење, да го упати Корисникот на физички преглед, лабораториски испитувања или третман во здравствена установа, доколку тоа е неопходно заради точна дијагноза и понатамошно лекување.

Платформата не е наменета за обезбедување услуги на итна медицинска помош или третирање на животозагрозувачки состојби. Во такви случаи, Корисниците се должни веднаш да се јават на службата за итна медицинска помош или да посетат најблиска здравствена установа.

CyberMedico настапува исклучиво како посредник и не е одговорен за стручните медицински совети, мислења или препораки што ги даваат докторите – Лица за медицински консултации. Секој доктор постапува самостојно и независно, во рамки на својата стручна и законска одговорност.

ЧЛЕН V – НАДОМЕСТОК И ПЛАЌАЊЕ

Телемедицинските услуги што се обезбедуваат преку Платформата се наплатуваат согласно важечкиот ценовник објавен на официјалната веб-страница на CyberMedico. Ценовникот претставува составен дел од овие Општи услови и е достапен за преглед од страна на Корисниците пред извршување на плаќањето.

Плаќањето за консултацијата се врши по пат на електронска трансакција со платежна картичка (Visa, MasterCard, Maestro, Diners Club или други картички што се поддржани од овластениот платежен процесор). При извршување на уплатата, Корисникот е должен да ги внесе потребните податоци од платежната картичка во специјализирана и заштитена платежна форма.

CyberMedico не чува, не има пристап и не врши никаква обработка на податоците поврзани со платежните картички на Корисниците. Сите такви податоци се обработуваат исклучиво од страна на овластената финансиска институција, во согласност со меѓународните стандарди за сигурност на плаќања (PCI-DSS) и позитивните законски прописи во Република Северна Македонија.

По успешна трансакција, на Корисникот му се испраќа електронска потврда на доставената е-маил адреса, која содржи детални информации за извршеното плаќање и потврдата за закажаната консултација.

Сите средства уплатени за користење на услугите се пресметуваат и изразуваат во македонски денари (МКД), во согласност со законската регулатива за платен промет во Република Северна Македонија.

Во случај на технички проблем при плаќањето или неуспешна трансакција, средствата нема да бидат наплатени од Корисникот. Доколку, поради технички или административни причини, сепак дојде до погрешно наплатување, CyberMedico е должен во рок од 7 (седум) работни дена да изврши поврат на средствата на истата платежна картичка од која е извршена трансакцијата.

ЧЛЕН VI – ОТКАЖУВАЊЕ И ПРОМЕНА НА ТЕРМИН

Корисникот има право да го откаже или промени закажаниот термин за консултација, под услов тоа да го направи најдоцна 24 часа пред времето назначено за одржување на консултацијата. Во тој случај, Корисникот има право на целосен поврат на уплатените средства или нивно пренасочување кон нов термин, по сопствен избор.

Доколку Корисникот го откаже терминот во рок пократок од 24 часа пред консултацијата, уплатените средства не се враќаат и се сметаат за изгубени, освен ако не постои оправдана причина (на пример, технички проблем на страната на Платформата или оправдано откажување од страна на докторот).

Во случај консултацијата да не може да се одржи поради откажување од страна на докторот, Друштвото е должно да му овозможи на Корисникот избор:

  1. пренасочување на уплатените средства кон нов термин со друг доктор, или
  2. целосен поврат на средствата на истата платежна картичка од која е извршена трансакцијата.

CyberMedico го задржува правото да го одложи или откаже закажаниот термин поради технички причини, одржување на системот, безбедносни ризици или други околности надвор од неговата контрола (виша сила). Во тој случај, Корисникот ќе биде веднаш известен и ќе има право да избере нов термин или поврат на средства.

Сите откажани и променети термини се евидентираат во системот на Платформата, а Корисникот е должен да ја провери добиената е-маил потврда за статусот на својата консултација.

ЧЛЕН VII – ПРАВА И ОБВРСКИ НА КОРИСНИКОТ

Корисникот има право:

  1. да ги користи телемедицинските услуги преку Платформата во согласност со овие Општи услови и позитивните законски прописи на Република Северна Македонија;
  2. да добие јасни, точни и навремени информации за термините, условите на користење, цените и содржината на услугите;
  3. да поднесе приговор или поплака во врска со обезбедените услуги и да добие одговор во законски пропишаниот рок;
  4. да побара бришење или ограничување на своите лични податоци во согласност со Законот за заштита на личните податоци и Политиката за приватност на CyberMedico;
  5. да побара поврат на уплатени средства во случаи и под услови предвидени во овие Општи услови.

Корисникот е должен:

  1. да доставува точни, комплетни и вистинити лични и здравствени податоци во прашалникот за консултација и во текот на комуникацијата со докторите;
  2. да ја користи Платформата единствено за лични и законски дозволени цели;
  3. да се воздржува од злоупотреба на Платформата, вклучително, но не ограничувајќи се на: внесување лажни податоци, користење навредлива или дискриминаторска комуникација, нарушување на техничкото функционирање на системот или обид за неовластен пристап;
  4. да го почитува времето на закажаниот термин и да обезбеди соодветни технички услови (интернет конекција, уред со камера и микрофон) за одвивање на консултацијата;
  5. да ги почитува правата на интелектуална сопственост на CyberMedico и да не ја користи содржината на Платформата за комерцијални цели без претходна писмена согласност;
  6. да се воздржи од било какво заобиколување на Платформата, односно директно договарање со доктори без посредство на CyberMedico, со цел да се избегне плаќање на посредничкиот надоместок.

Во случај на прекршување на овие обврски, CyberMedico има право да го ограничи или целосно да го суспендира пристапот на Корисникот до услугите, без обврска за надомест на штета, и да преземе соодветни правни дејствија во согласност со законите на Република Северна Македонија.

ЧЛЕН VIII – ПРАВА И ОБВРСКИ НА ДОКТОРИТЕ

Докторите – Лица за медицински консултации кои обезбедуваат услуги преку Платформата CyberMedico се самостојни даватели на здравствени услуги и вршат дејност во согласност со Законот за здравствена заштита и другите позитивни прописи.

Докторите имаат право:

  1. да добијат точни и комплетни информации од Корисникот, неопходни за давање на стручен медицински совет;
  2. да одбијат консултација доколку проценат дека здравствената состојба на Корисникот бара итна медицинска интервенција или физички преглед во здравствена установа;
  3. да го упатат Корисникот на дополнителни прегледи, лабораториски анализи или физички преглед, кога тоа е потребно заради точност и безбедност на медицинската услуга;
  4. да прекинат консултација доколку се појави навредлива, дискриминаторска или недолична комуникација од страна на Корисникот.

Докторите се должни:

  1. да постапуваат професионално, совесно и во согласност со законите, медицинската етика и стандардите на добрата медицинска практика;
  2. да обезбедат телемедицински совет врз основа на информациите доставени од Корисникот, со укажување на сите ограничувања кои произлегуваат од фактот дека се работи за онлајн консултација;
  3. да ги заштитуваат личните и здравствените податоци на Корисникот, постапувајќи во согласност со Законот за заштита на личните податоци и професионалната тајна;
  4. да одржуваат коректна и професионална комуникација со Корисникот;
  5. да известат доколку постојат технички или организациски пречки за реализација на закажаниот термин.

Медицински борд

Во рамки на организациската структура на CyberMedico постои Медицински борд, составен од стручни лица со медицинска експертиза, кој врши надзор врз квалитетот на пружените телемедицински услуги. Медицинскиот борд има право:

Одлуките на Медицинскиот борд се обврзувачки во рамки на деловниот однос помеѓу Друштвото и докторот, и се спроведуваат во согласност со склучениот договор и применливото законодавство.

Докторите се самостојно одговорни за квалитетот и содржината на дадените медицински совети. CyberMedico не врши непосредна контрола врз медицинските мислења, но преку Медицинскиот борд обезбедува механизам за надзор и заштита на стандардите на услугата.

ЧЛЕН IX – ОДГОВОРНОСТ И ОГРАНИЧУВАЊА

CyberMedico обезбедува технолошка платформа за посредување помеѓу докторите – Лица за медицински консултации и Корисниците. Друштвото не врши медицинска дејност и не е одговорно за содржината, точноста, квалитетот или исходот на медицинските совети и препораки дадени од страна на докторите. Секој доктор постапува самостојно и независно, согласно својата стручна одговорност и важечките закони.

CyberMedico се обврзува да обезбеди технички и организациски услови за непречено функционирање на Платформата, но не гарантира дека услугите ќе бидат достапни во секое време, без прекини или технички грешки. Друштвото не сноси одговорност за:

  1. технички прекини, задоцнувања или грешки предизвикани од интернет конекцијата на Корисникот или надворешни фактори надвор од разумна контрола на Друштвото;
  2. штети или последици настанати поради неточни, непотполни или лажни информации доставени од Корисникот;
  3. штети по здравјето на Корисникот кои произлегуваат од неисполнување на препораката на докторот за физички преглед или итна медицинска интервенција;
  4. содржината на комуникацијата помеѓу Корисникот и докторот, за која одговорноста ја носат самите страни;
  5. штети настанати поради настани на „виша сила“ (природни непогоди, прекин на електрична енергија, кибер-напади, државни ограничувања или други околности кои не може разумно да се предвидат или спречат).

CyberMedico не презема одговорност за било какви индиректни, случајни, последични или нематеријални штети (вклучувајќи загуба на податоци, приходи или добивка), настанати од користење или неможност за користење на Платформата и услугите.

Сите медицински информации и совети добиени преку Платформата имаат советодавен карактер и не смеат да се толкуваат како конечна медицинска дијагноза или замена за физички преглед. Корисникот е должен за секоја сериозна или итна состојба да се обрати во здравствена установа или на службата за итна медицинска помош.

ЧЛЕН X – ИНТЕЛЕКТУАЛНА СОПСТВЕНОСТ

Сите права на интелектуална сопственост поврзани со Платформата CyberMedico, вклучително софтверот, изворниот код, базите на податоци, дизајнот, графичките решенија, логото, трговските марки, текстовите, фотографиите, видеата, аудио материјалите и другите содржини објавени на Платформата, се во сопственост на Друштвото или на трети лица со кои Друштвото има законски регулиран однос (договор за лиценца, дозвола за користење или слично).

Корисникот има право да пристапува и користи содржини на Платформата исклучиво за лични и некомерцијални цели, во рамките на дозволеното со овие Општи услови. Секое неовластено копирање, репродуцирање, модифицирање, преведување, дистрибуирање, јавно прикажување или било какво друго користење на содржините на Платформата за комерцијални или други недозволени цели е строго забрането и претставува повреда на правата на интелектуална сопственост.

Корисниците кои преку Платформата објавуваат или доставуваат документи, медицински досиеја или други информации гарантираат дека истите се нивна сопственост или дека имаат соодветно овластување да ги достават, без да ги повредат правата на трети лица. Со нивното доставување, Корисникот му дава на CyberMedico ограничено, неисклучиво и непереносливо право да ги користи само за целите на извршување на договорената услуга.

Во случај на прекршување на правата на интелектуална сопственост, CyberMedico има право да преземе правни мерки пред надлежните судови, согласно важечкото законодавство на Република Северна Македонија.

ЧЛЕН XI – ЖАЛБИ, ПОПЛАКИ И РЕШАВАЊЕ НА СПОРОВИ

Корисникот има право да поднесе приговор или поплака доколку смета дека услугите обезбедени преку Платформата не се извршени согласно овие Општи услови или очекуваниот квалитет.

Приговорите и поплаките се поднесуваат електронски, на е-пошта: info@cybermedico.net или преку формата Контакт на www.cybermedico.net . Во приговорот, Корисникот е должен да ги наведе своите податоци за идентификација, описот на проблемот и сите релевантни докази или документи.

CyberMedico е должен да го разгледа приговорот и да му достави одговор на Корисникот во рок од 7 (седум) работни дена од денот на приемот на приговорот.

Доколку приговорот се однесува на постапувањето на доктор – Лице за медицински консултации, CyberMedico преку Медицинскиот борд врши разгледување на наводите и комуницира со докторот во врска со истите. Со согласност на Корисникот, Медицинскиот борд може да ја прегледа и снимката од консултацијата, писмената комуникација или приложените документи.

Во случај да се утврди дека докторот постапувал спротивно на законите, медицинската етика или договорот за деловна соработка, Медицинскиот борд има право да предложи дисциплински мерки, вклучително и суспензија, одземање на хонорар или прекин на соработката.

Доколку Корисникот не е задоволен од решението на приговорот, истиот има право да поднесе претставка пред надлежен орган, во согласност со Законот за заштита на потрошувачите.

Споровите што не можат да се решат преку постапка за вонсудско решавање на спорови, ќе се решаваат пред надлежен суд во Република Северна Македонија.

ЧЛЕН XII – ЗАШТИТА НА ЛИЧНИ ПОДАТОЦИ

CyberMedico врши обработка на личните и здравствените податоци на Корисниците во согласност со Законот за заштита на личните податоци и Политиката за приватност на Друштвото, која е јавно достапна на Платформата и претставува составен дел од овие Општи услови.

Личните податоци кои се прибираат преку прашалникот за консултација и во текот на користење на услугите (име, презиме, возраст, контакт информации, здравствени податоци и медицинска документација) се обработуваат исклучиво заради овозможување на телемедицинските услуги и се чуваат само во периодот потребен за извршување на услугата или согласно законските рокови.

CyberMedico презема соодветни технички и организациски мерки за заштита на личните податоци од неовластен пристап, измена, губење или злоупотреба, вклучително и енкрипција на комуникацијата, ограничен пристап само за овластени лица и редовна проверка на безбедносните протоколи.

Корисникот има право:

Со користење на Платформата, Корисникот дава согласност за обработка на своите лични и здравствени податоци, исклучиво за целите наведени во Политиката за приватност и во согласност со законските прописи.

ЧЛЕН XIII – ИЗМЕНИ И ДОПОЛНУВАЊА НА УСЛОВИТЕ

CyberMedico го задржува правото во секое време да врши измени и дополнувања на овие Општи услови, со цел усогласување со измените во законодавството, подобрување на квалитетот на услугите или поради технички и организациски потреби на Платформата.

Секоја измена на Општите услови ќе биде јавно објавена на официјалната веб-страница www.cybermedico.net. Изменетите услови стапуваат во сила веднаш по нивното објавување, освен ако не е изречно определен друг рок.

Корисниците се должни редовно да ги следат објавените услови, а продолженото користење на Платформата по објавувањето на измените ќе се смета за изразена согласност со нив.

Доколку Корисникот не се согласува со измените, има право да престане со користење на Платформата и услугите. Прекин на користење од страна на Корисникот не го ослободува од обврските кои произлегле пред денот на објавување на изменетите услови.

ЧЛЕН XIV – ПРИМЕНЛИВО ПРАВО И НАДЛЕЖНОСТ

Овие Општи услови се составени и се толкуваат во согласност со законите на Република Северна Македонија.

За сите прашања кои не се регулирани со овие Општи услови, ќе се применуваат одредбите од важечкото законодавство на Република Северна Македонија, вклучително, но не ограничувајќи се на: Законот за здравствена заштита, Законот за облигациони односи, Законот за заштита на потрошувачите, Законот за електронска трговија и Законот за заштита на личните податоци.

Секој спор што може да произлезе од или во врска со користењето на Платформата ќе биде решаван најнапред по мирен пат. Доколку не се постигне договор, надлежен за решавање на спорот е Основниот суд во Прилеп, Република Северна Македонија.